یسوع دے نال پریت جو لائی
Yesu de naal preet jo lai
کون اساں نُوں روکے
Kon assan nu roke
سُولی اپنی سِر تے چائی
Sooli apni sir te chai
کون اساں نُوں ٹوکے
Kon assan nu toke
1
سُولی دِتا ظالم اُس نُوں
Sooli ditta zalim us nu
ہتھیں کِل کھبو کے
Hathen kil khabbo ke
مار کے نیزہ خُون وگایا
Maar ke neezah khoon vagaya
پسلی وچ چبھو کے
Pasli vich chabho ke
2
مینوں مار کے چُور ہے کیتا
Mainu maar ke choor hai kita
ایس شیطان نے ٹوہ کے
Is shaitan ne toh ke
لیایا مَیں فریاد مسیحا
Liaya main faryaad Masiha
گھائل زخمی ہو کے
Ghayal zakhmi ho ke
3
اوہدے ہتھوں مینوں چُھڈا کے
Ohde hathon mainu chhadda ke
کہندا ہاں مَیں رَو کے
Kehnda haan main raw ke
مَلھم اپنے خُون دی لا کے
Malham apne khoon di la ke
کر دے چنگا دھو کے
Kar de changa dho ke
4
دِل جو دِتا سی مَیں تینوں
Dil jo ditta si main tenu
تیرا عاشق ہو کے
Tera aashiq ho ke
ویکھ اوہ ظالم لے ہُن چلیاں
Wekh oh zalim le hun chaliyaan
میتھوں جوری کھو کے
Maithon jori kho ke
5
میرے نال تُوں ہو ہر ویلے
Mere naal tu ho har vele
اُٹھاں جد میں سَوں کے
Uthan jad main soon ke
ٹُردا پھِردا کھاندا پیندا
Turda phirda khaanda peenda
رہساں تیرا ہو کے
Rehsaan tera ho ke
6
میری مِنت سُن لے مسیحا
Meri mint sun le Masiha
کہندا ہاں مَیں رَو کے
Kehnda haan main raw ke
آویں جد تُوں بدلاں اُتے
Aauñ jad tu badlaan ute
دئیں دیدار کھلو کے
Dain didar kholo ke