اونٹھاں دیاں ٹلیاں نیں شور مچایا اے
Oonthaan diyaan talliyaan ne shor machaaya ae
بادشاہ او کتھے جہیڑا جگ اُتے آیا اے
Badshah o kithe jaherra jag uttay aaya ae
1
تارے پچھے پچھے اسی آئے اوہنوں لبھدے
Taare pichay pichay assi aaye ohnu labhday
من کے خدا اوہنوں کرن نوں سجدے
Man ke Khuda ohnu karan nu sajday
اگے چلے تارے ساہنوں راہ دکھلایا اے
Agay chalay taare saahnu raah dikhlaya ae
2
چلے نیں مجوسی کئی یسوع دے دیدار نوں
Chalay ne Majoosi kai Yesu de deedaar nu
دل وچ رکھ کے رب دے پیار نوں
Dil vich rakh ke Rab de pyaar nu
جانا اساں یسوع کول متا اے پکایا اے
Jaana assaan Yesu kol mata ae pakaaya ae
3
کھولیاں کتاباں اساں ویکھ کے ستارے نوں
Kholiyan kitaaban assaan wekh ke sitaare nu
گھروں ٹُر پئے لبھن رب دے پیارے نوں
Gharaan tur paye labhan Rab de pyaare nu
ونڈن خزانے یسوع دھرتی تے آیا اے
Wandan khazaanay Yesu dharti te aaya ae
4
ویکھیا ستارہ اساں پُوربی مجوسیاں
Wekhia sitaara assaan poorbi Majoosiyan
ویکھ کے ستارہ ساہنوں چڑھ گئیاں خوشیاں
Wekh ke sitaara saahnu charh gayiyan khushiyan
یسوع پیدا ہویا تارے پیغام سنایا اے
Yesu paida hoya taare paighaam sunaya ae
5
سونا اسی لے کے آئے بادشاہ اوہ جگ دا
Sona assi le ke aaye Badshah oh jag da
عرشاں تے فرشاں دا راج اوہنوں پھبدا
Arshaan te farshaan da raaj ohnu phabda
راجا ساڈے دل دا اوہ سِر نوں جھکایا اے
Raaja saaday dil da oh sir nu jhkaaya ae
6
لوبان اوہنوں پیش کر ربّ اوہنوں منیا
Lobaan ohnu paish kar Rabb ohnu maniya
ساریاں معبوداں وچوں اساں یسوع چُنیا
Saariyaan maaboodaan wichon assaan Yesu chunya
سجدے نیں اوہدے کئی دِل چ ٹھہرایا اے
Sajday ne ohday kai dil ch thehraaya ae
7
مُر ایہہ نشانی یسوع ہونا قربان اے
Mur eh nishaani Yesu hona qurbaan ae
ساڈیاں گناہواں لئی دینی یسوع جان اے
Saadiyaan gunaahaan layi deni Yesu jaan ae
یسوع ہی کفارہ ساڈا جگ نُوں سنایا اے
Yesu hi kafara saada jag nu sunaya ae