تو کردے فیصلہ حق سچ دا
To karday faisla haq such da,
دس ایہدے گناہ دی سزا کیہ اے
Das ehde gunah di saza ki ae.
پتھراؤ کرئیے یا چھڈ دئیے
Pathrao karaiye ya chhad daye,
ایس گل وچ تیری رضا کیہ اے
Ais gal vich teri raza ki ae.
1
بدکار ضرور سزا پاوے
Badkaar zaroor saza paawe,
اے حکم شریعت فرماوے
Ae hukam shariat farmaawe.
سرِ عام کیتا سنگسار جاوے
Sar-e-aam kitta sangsaar jaawe,
تُو دس فیر حکمِ خدا کیہ اے
Tu das pher hukam-e-Khuda ki ae.
2
ساہنوں رب وچ دِسنا ایں شامل تُوں
Sahnu rab vich daisna aein shamil toon,
اُستاد شرع وچ کامل تُوں
Ustaad shara' vich kaamil toon.
جہیڑا فتویٰ لاؤنا ای لا ایس تے
Jehra fatwa launa ae la ais te,
ایہدے پاپ دا بدلہ روا کیہ اے
Ehde paap da badla rawa ki ae.
3
اے سُن یسوع فرما یا اے
Ae sun Yisoo farma ya ae,
کرو جیویں شرع وچ آیا اے
Karo jeewein shariat vich aaya ae.
جیویں موسیٰ نے حکم سنایا اے
Jeewein Moosa ne hukam sunaaya ae,
میری وکھری ہور صلاح کیہ اے
Meri wikhri hor salaah ki ae.
4
مارو پتھر شرع دا من کہنا
Maro pathar shariat da mann kahna,
تُساں روکیاں بے شک نئیں رہنا
Tusaan rokian be shak nahi rahna.
ایس گل دا چیتا رکھ لینا
Ais gal da cheta rakh lena,
مارے جو جو نہ جانے گناہ کیہ اے
Maare jo jo na jaane gunah ki ae.
5
یسوع کہہ اے زمین تے لکھن لگا
Yisoo keha ae zameen te likhan laga,
آپو اپنا سب نوں فکر پیا
Aapo apna sab nu fikr piya.
اعمال نامہ جے اساں منیا
Amal nama je asaan maniya,
رئی بے چتراں لئی جاہ کیہ اے
Reyi be chitrān lai jaah ki ae.
6
گئے طالباؔ چھڈ وچاری نوں
Gaye taliba chhad wachāri noon,
یسوع ویکھ کے نازک ناری نوں
Yisoo vekh ke nazuk naari noon.
تینوں معاف کیتا دکھیاری نوں
Tinu maaf ki ta dukhiyari noon,
توبہ کر لے تے فیر سزا کیہ اے
Taubah kar le te phir saza ki ae.