تیرے بدلے یسوع نے خون ڈوہلیا
Tere badle Yesu ne khoon dohleya
تے کیوں نئیں تیرا دِل ڈولیا
Te kyon nahi tera dil dolya
۱
1
پھڑ ظالماں صلیب اُتے چاہڑیا
Phad zalman saleeb ute chhadya
نیزہ ڈاہڈا اوہدی پسلی وچ ماریا
Neza daahda ohdi pasli vich maariya
شافی تن من تیرے اُتوں گھولیا
Shafi tan man tere uton gholya
۲
2
بنھ تھم نال یسوع نُوں کھلھاریا
Ban tham naal Yesu noon khilhaariya
نال کوڑیاں دے ظالماں نیں ماریا
Naal koodiyan de zalman ne maariya
کوئی دُکھڑا نہ کسے اگے پھولیا
Koi dukhda na kise age phoolya
۳
3
چُک موہڈے تے صلیب یسوع چلیا
Chuk mohdhe te saleeb Yesu chaliya
ساڈے بدلے گناہیں بن چلیا
Saade badle gunaah ban chaliya
بھار پاپیاں دا سولی اُتے تولیا
Bhaar paapiyan da sooli ute toliya
۴
4
تاج کنڈیاں دا سِر تے نیں پاوندے
Taaj kandiyan da sir te ne paaunde
ہس ہس کے کولوں دی لنگھ جاوندے
Has has ke kolon di langh jaaunde
یسوع کسے نُوں نہ مونہوں مندا بولیا
Yesu kise noon na mohnoon manda bolya
۵
5
دِل اوہدیاں دُکھاں دے ول لا کے
Dil ohdiyaan dukhan de wal la ke
توبہ کر لے یسوع دے ول آ کے
Toba kar le Yesu de wal aa ke
بوہا تیرے لئی نجات والا کھولیا
Booha tere liye nijaat wala kholya