روندی اک ماں پئی یسوع دی صلیب کول
Rondi ek maa pai Yesua di salib kol
دل روندا زار و زار سکدی نہ منہوں بول
Dil ronda zaar o zaar sakdi nah manhun bol
1
کنّاں وچ واج پئی یسوع پھڑے جان دی
Kannan vich waaj pai Yesua phaday jaan di
وجھ گیا دل سُدھ رئی نہ جہان دی
Wajh gaya dil sudh rahi nah jahan di
گھراں وچ ویریاں نے خوشی دے وجائے ڈھول
Gharan vich veeryan ne khushi day wajaye dhol
2
پچھدی پچھاندی جاندی کلوری دے راہ تے
Pichdi pichandi jandi Kalori day raah tay
لایا کیہ قصور میرے یسوع بے گناہ تے
Laya keh qasoor mere Yesua be gunah tay
دل بے قرار ہویا ہو گئی ڈانوانڈول
Dil beqaraar hoya ho gayi danwondol
3
کیہدے اگے کراں مَیں اپیل انصاف دی
Keeday agay karan main apeel insaaf di
ہوئی بد نیت بازار دے صراف دی
Hoyi bad niyat bazar day saraaf di
پلاطوس فیصلہ سنا دتا گول مول
Pilatus faisla suna ditta gol mol
4
سِروں خون وگ کے زمین سِداں آ گیا
Siron khoon wagh kay zameen sidaan aa gaya
مادیاں اکھاں دے ہنیرا اَگے چھا گیا
Madiyan akhan day haneera agay chha gaya
ویکھ کے نظارہ گیا ماں دا کلیجہ ڈول
Weh ke nazara gaya maa da kaleja dol
5
پائی کسے قدر نہ والیٔ لولاک دی
Pai kase qadr nah waliyo lok da
حالت بنائی بُری مرد ِ غمناک دی
Halaat banayi bure mard-e-ghamnaak di
زندگی دے مالک نوں ماریو نےرول رول
Zindagi day malik nu maario nay roll roll