مَیں تے قابو ساں شیطان دیاں پھندیاں دے وچ
Main te qaboo saan Shaitaan diyaan phandiyan de vich
نئیں ساں بھین جوگا رب دیاں بندیاں دے وچ
Nai saan bheen joga Rab diyaan bandiyan de vich
1
میری سُدھ بُدھ ساری سی وساری اوس نے
Meri sudh budh saari si wasaari os ne
لائی کوڑھ نالوں ودھ سی بیماری اوس نے
Laai kodh naalon wadh si bimaari os ne
میرا ہندا سی شمار وڈھے گندیاں دے وچ
Mera hunda si shumaar vaddhe gandiyan de vich
2
کماں بھیڑیاں تے لائی سی کمائی اپنی
Kamaan bheediyan te laai si kamaai apni
دِتی رب لیکھے اِک وی نہ پائی اپنی
Ditti Rab leikhay ikk vi na paai apni
پیسہ دینا سی محال مینوں چندیاں دے وچ
Paisa dena si mahaal mainu chhandiyan de vich
3
میرا گھٹ نیک گلاں نال پیار ہندا سی
Mera ghatt neik gallaan naal pyaar hunda si
سگوں سُن کے دِل آوازار ہندا سی
Sugon sun ke dil aawazaar hunda si
رُجا رہندا ساں مَیں ہور ہور دھندیاں دے وچ
Rujaa rehnda saan main hor hor dhandiyan de vich
4
مُک گئیاں نے شیطان دیاں چھیڑ خانیاں
Muk gayiyan ne Shaitaan diyaan chher khaniyaan
گئیاں یسوع دے پریم دیاں چُبھ کانیاں
Gayiyan Yesu de prem diyaan chubh kaaniyaan
نفع ویکھیا نہ کجھ کماں مندیاں دے وچ
Nafa wekhya na kujh kamaan mandiyan de vich
5
مینوں ڈُبدے نوں یسوع نے کنارے لا لیا
Mainu dubde nu Yesu ne kinaare laa liya
اوہدے وچ مَیں ہمیشہ دا آرام پا لیا
Ohde vich main hamesha da aaraam paa liya
غوطے کھاندا ساں مَیں پیاں دوہاں کنڈھیاں دے وچ
Ghhotay khaanda saan main piyaan dohaan kandhiyan de vich