مریم دے تاج سرتھوں ہے کون جو اُتارے
Mariam De Taaj Sirthon Hai Kaun Jo Utaare
انسان کیہ وچارا فرشتہ وی دم نہ مارے
Insaan Kiha Vichara, Farishta Vi Dam Na Maare
1
ویکھو گے اک کنواری ہووے گی پیر بھاری
Vekho Ge Ik Kunwari Hovegi Peer Bhari
جمے گی اک اوہ بیٹا ہووے گی پر کنواری
Jamegi Ik Oh Beta Hovegi Par Kunwari
ست سو ورہے یسعیاہ پہلاں پیا پکارے
Sat Sau Waray Yesoo Ayah Pehlan Piya Pakaare
2
مریم دی شان ظاہر کیتی خدائے قادر
Mariam Di Shaan Zahir Keeti Khudaay Qadir
پیراں تلے چندرما سورج بنائی چادر
Peeran Talay Chandrama, Sooraj Banai Chadar
سرتاج ہے جہدے تے باراں جڑے نے تارے
Sartaj Hai Jehday Tay Baran Jaday Ne Taaray
3
بیدار اوہدا رہناں میرے لئی نہ سوناں
Bedar Ohda Rehna Mere Lai Na Sonan
دُنیا تے پاک ماں دا پھر بار بار آؤناں
Duniya Tay Paak Maa Da Phir Baar Baar Aounan
اوہ مادری محبت دے پاک دے نظارے
Oh Maadri Muhabbat De Paak De Nazaray
4
مریم سی پاک نالے یوسف وی نیک دِل سی
Mariam Si Paak, Naale Yusuf Vi Neek Dil Si
دُنیا تھوں اوہ نرالا اک جوڑا بے مثل سی
Duniya Thon Oh Niraala, Ik Joda Be Misal Si
ساری عمر اوہ دونویں بالکل رہے کنوارے
Saari Umar Oh Dono Vi Bilkul Reh Gay Kunware
5
یسوع دا میری خاطر مصلوب ہو کے مرنا
Yesoo Da Meri Khatir Masloob Ho Ke Marna
مریم دا دِلوں جانوں یسوع دی ٹہل کرنا
Mariam Da Diloon Jaanoon Yesoo Di Tehal Karna
احسان میرے سر تے دوہاں دھراں نے چاہڑے
Ahsaan Mere Sar Tay Dohaan Dharaan Ne Chaadrey