کوئی دَم میں دَم جب یہ جاتا رہے گا
Koi dam mein dam jab yeh jaata rahe ga
تُو اے دِل بتا کِس سے ناتا رہے گا
Tu ae dil, bata kis se naata rahe ga
1
ذرا خوابِ غفلت سے بیدار ہو اب
Zara khwab-e-ghaflat se bedaar ho ab
کہ پھِر کون تُجھ کو جگاتا رہے گا
Ke phir kaun tujh ko jagaata rahe ga
2
تُو اب نازو نخوت سے پھُولا پھِرے ہے
Tu ab naaz o nakhut se phoola phire hai
یہی تُجھ کو آخر رُلاتا رہے گا
Yehi tujh ko aakhir rulaata rahe ga
3
مسافر ہے تُو اور یہ دُنیا سرا ہے
Musafir hai tu aur yeh duniya sara hai
تُو کب تک یہاں دِل لگاتا رہے گا
Tu kab tak yahan dil lagata rahe ga
4
اِطاعت مسیحا جو کرتا رہے تُو
Itaat Masiha jo karta rahe tu
تو بے شک وہ تُجھ کو بچاتا رہے گا
To be-shak woh tujh ko bachaata rahe ga
5
جو ہووے بھلائی سو کر لے اے غافل
Jo howe bhalai so kar le ae ghaafil
یہاں کون پھِر پھِر کے آتا رہے گا
Yahan kaun phir phir ke aata rahe ga
6
اے میرینؔ نہ ہر گز کہا دِل کا کیجو
Ae Mirian na har guz kaha dil ka kejo
ولے تُجھ کو یہ یاں پھنساتا رہے گا
Wale tujh ko yahan phansata rahe ga