کسے دی چُغلی کرئیے نہ، جھوٹ دے وہیڑے وڑئیے نہ
Kise di chugli kareye na, jhoot de wairhe vardiye na,
سچی گل کرن توں نہ ڈرئیے ، کفر دی بیڑی چڑھیے نہ
Sachi gall karn ton na darrayiye, kufr di beṛi charhiye na.
1
دُنیا دے توں عیب ویکھنا ایں، اپنے گھر ول ویندا نئیں
Duniya de ton aib vekhna ae, apne ghar wal veenda nai,
کنداں اُتے پوچے پھیریں، اندر باری دیندا نئیں
Kandān utte pochhe pherein, andar bari deenda nai,
اپنے وہیڑے دے وچ بندیا، تکلن بازی کرئیے نہ
Apne wairhe de vich bandiya, takallan bazi kareye na.
2
دوجے دی اَکھ وچ تنکا ویکھیں، اپنی اکھ ول ویندا نئیں
Doje di akh vich ṭanka vekhein, apni akh wal veenda nai,
گٹے گوڈے دھونا ایں بندیا، دِل اپنے نوں دھوندا نئیں
Gatte gode dhona ae bandiya, dil apne nu dhunda nai,
آپ نہ اینے جوگے ہوئیے، دوجے نوں گلاں کرئیے نہ
Aap na ainay joge hoye, dooje nu galaan kareye na.
3
نازؔ کہانی سُن لے بندیا، تینوں مَیں سمجھانا واں
Naaz, kahani sun le bandiya, tainu mein samjhāna vaan,
اپنے گھر دی راکھی کر لے، چور وانگوں میں آؤنا واں
Apne ghar di rakhī kar le, chor vaangon mein auna vaan,
اپنے گھر دی راکھی کرئیے، دوجے نال ایویں لڑئیے ناں
Apne ghar di rakhī kareye, dooje naal aivvein laraaiye na.
4
بھائی انورؔ تُوں جس پیمانے نال کسے نوں مننا ایں
Bhai Anwar, tuṅ jis pimāne naal kise nu manna ae,
تینوں وی تے بندیا ربّ نے اوہدے نال ہی مننا ایں
Tainu vi te bandiya Rab ne ohde naal hi manna ae,
آپ جے انھے ہوئیے تے فیر دوجے نوں بانہوں پھڑئیے نہ
Aap je anhe hoye te phir dooje nu banhāun phardiye na.