خالی ہتھ لمکاؤندے جانا
Khaali hath lambkaonde jaana
کجھ نئیں رہنا کول
kujh nahi rehna kol
اُچا بول نہ بول بندیا
Ucha bol na bol bandiya
اُچا بول نہ بول
ucha bol na bol
1
مان کریں نہ کسے وی شے تے
Maan karein na kise vi shey te
تُوں ایں اک پردیسی
toon ain ak paradesi
ایتھے نہ کوئی سجن تیرا
Ithe na koi sajan tera
نہ کوئی تیرا دیس ای
na koi tera des ai
ایس دنیا دے گورکھ دھندے
Is duniya de gorkh dhande
وچ نہ جندڑی رول
vich na jindri rol
2
میرے وانگوں نگر نگر وچ
Mere wangon nagar nagar vich
دل دا ساز وجا لے
dil da saaz vaja le
سوچ دیاں لنگھ ویلا جانا
Soch diyaan langh wela jaana
شوبھا اوہدی گا لے
shobha ohdi ga le
سن لے اوہدی جس دے منہ دا
Sun le ohdi jis de moun da
کدی نہ ٹل دا بول
kadhi na tall da bol
3
یسوع بنا نجات نئیں کدرے
Yesu bina najaat nahi kidrey
سن لے کناں نال
sun le kanna naal
یادؔ تُوں اوہدے پچھے آ جا
Yaad toon ohde pichhe aa ja
چھڈ کے سارا مال
chhad ke saara maal
پچھتاویں گا روز قیامت
Pachtawain ga roz qayamat
جد کھڑکن گے ڈھول
jad khadkan gay dhol