کون کسے دی تھاں تے حامی بھر دا اے
Kaun kisse di thaan te haami bhar da ae
کون کسے رہڑدے نوں بانہوں پھڑ دا اے
Kaun kisse raharde nu baanhon phar da ae
یسوع مسیح پاپی دی حامی بھر دا اے
Yesu Masih paapi di haami bhar da ae
یسوع مسیح رہڑدے نوں بانہوں پھڑ دا اے
Yesu Masih raharde nu baanhon phar da ae
۱
1
تھکن منہ تے ہتھیارے نہ ڈر دے نیں
Thakan munh te hathiyaare na dar de ne
مارن کوڑے چنڈاں منہ تے جڑ دے نیں
Maaran kode chandaan munh te jud de ne
کون کسے دی تھاں تے دکھڑے جر دا اے
Kaun kisse di thaan te dukhre jar da ae
۲
2
کل لگا کے سولی تے لٹکاؤندے نیں
Kal laga ke sooli te latkaonde ne
بے قصور معصوم تے ظلم کماؤندے نیں
Be-qasoor masoom te zulm kamaonde ne
مجرم ہور تے ہور پیا سولی چڑھدا اے
Majrim hor te hor piya sooli charhda ae
۳
3
سہندا دکھ تے تانویں کیتی نہ پرواہ
Sehnda dukh te tanoon keeti na parwaah
دشمن دے نال اوہ نہ کر دا مُول بُرا
Dushman de naal oh na kar da mool bura
باپ تُوں کردے معاف دعاواں کردا اے
Baap toon karde maaf, duawaan karda ae
۴
4
طالب اکھیاں کھول کے تُوں پچھان لئیں
Talib akhiyan khol ke toon pachaan lain
کون تیرا دُنیا تے دردی جان لئیں
Kaun tera duniya te dardi jaan lain
تیتھوں واری جان نہ موتوں ڈر دا اے
Tithon vaari jaan na mauton dar da ae