جی اُٹھا آج مسیح ہم کو جِلانے کے لئے
Ji utha aaj Masiha hum ko jilanay ke liye
موت کے بند سے دُنیا کو چھڑانے کے لئے
Maut ke band se duniya ko chhudanay ke liye
1
اگر تُو مصلوب نہ ہوتا تو مَیں مرتا تھا گناہ میں
Agar tu masloob na hota to main marta tha gunaah mein
تُو نے سب کچھ یہ کِیا میرے بچانے کے لئے
Tu ne sab kuch yeh kiya mere bachanay ke liye
2
تیری قدرت کا بیان میرے مسیح ہو نہیں سکتا
Teri qudrat ka bayaan mere Masiha ho nahi sakta
علم قاصر ہے تیرا راز بتانے کے لئے
Ilm qaasir hai tera raaz bataanay ke liye
3
فقط ایمان کی ضرورت ہے یہاں ہر انسان کو
Faqat imaan ki zarurat hai yahan har insaan ko
تُو تو تیار ہے ہر بات بتانے کے لئے
Tu to tayyar hai har baat bataanay ke liye
4
کھیل ہے اُن کے لئے مر کے تیرا جی اُٹھنا
Khel hai un ke liye mar ke tera ji uthna
یہی اِک راز تھا دُنیا کو بتانے کے لئے
Yahi ik raaz tha duniya ko bataanay ke liye
5
نازؔ دُنیا کو یہ خوشخبری سُنا دے ہر دم
Naaz duniya ko yeh khushkhabri suna de har dam
کہ مسیح زندہ ہے دُنیا کو بچانے کے لئے
Ke Masiha zinda hai duniya ko bachanay ke liye