Projector - غضب ہے اب تک گناہ کا کانٹا جگر میں میرے کھٹک رہا ہے

غضب ہے اب تک گناہ کا کانٹا جگر میں میرے کھٹک رہا ہے

Ghazab hai ab tak gunaah ka kaanta jigar mein mere khatak raha hai

جو چھوڑ رستہ نجات کا دل کہاں کہاں وہ بھٹک رہا ہے

Jo chhod raste najaat ka dil kahan kahan woh bhatak raha hai

ہمارے طالع ہوئے ہیں یاور فلک سے آیا زمیں پہ داور

Hamare taalaq huye hain yaawar, falak se aaya zameen pe daawar

ہوا ہے مریم کے گھر میں ظاہر غریب خانہ چمک رہا ہے

Hua hai Mariam ke ghar mein zahir, gareeb khana chamak raha hai

خدا کے بندوں میں جان آئی جو آج جانِ جہان آئی

Khuda ke bandon mein jaan aayi, jo aaj jaan-e-jahan aayi

نجات آئی زمیں پہ بھائی فلک بھی حسرت سے تک رہا ہے

Najat aayi zameen pe bhai, falak bhi hasrat se tak raha hai

فلک پہ خوشیاں منا رہے ہیں فرشتگاں غُل مچا رہے ہیں

Falak pe khushiyan mana rahe hain, farishte ghul macha rahe hain

خدا کی تعریف گا رہے ہیں خوشی سے بادل کڑک رہا ہے

Khuda ki tareef gaa rahe hain, khushi se baadal kadak raha hai

سنو تو بیت لحم میں آیا خدا کا بیٹا نجات لایا

Suno to Betlehem mein aaya Khuda ka beta, najaat laya

یہ مژدہ ہم نے تممہیں سنایا کہ سر کو شیطاں پٹک رہا ہے

Yeh muzhda hum ne tumhein sunaya, ke sar ko shaitaan patak raha hai

یہ کیسا چہچہا ہے آج ہر سو صدائے قمری ہے کیسی کُو کُو

Yeh kaisa chehcha hai aaj har soo, sadaaye qumari hai kaisi koo koo

یہ برگ و گل میں ہے کیسی خوشبو کہ باغِ عالم مہک رہا ہے

Yeh barg aur gul mein hai kaisi khushboo, ke baagh-e-aalam mehak raha hai

وہ آج عالم میں گُل ہے آیا کہ جس پہ بلبل کا دِل ہے آیا

Woh aaj aalam mein gul hai aaya, ke jiss pe bulbul ka dil hai aaya

خزاں کا جس پہ نہیں ہے سایہ اُسی کا تارا دمک رہا ہے

Khiza ka jiss pe nahi hai saaya, usi ka taara damak raha hai