گل رکھ لویں چیتے ، رویں وچ نہ بھلیکھے
Gall rakh lein chitte, rovein vich na bhlikhe
دن قیامت دے یسوع بدلاں تے آوے گا
Din qayamat de, Yesu badlaan te aave ga
(1)
ہر اکھ ویکھے اوہنوں عرشاں تھوں آؤندیاں
Har aankh vekhe ohnu 'Arshaan' thon aandian
ہالیلویاہ ہالیلویاہ گیت اوہدے گاؤندیاں
Hallelujah, Hallelujah, geet Ohde gaundian
چن سورج تارے چھپ جان گے سارے
Chan sooraj taare chhup jaan ge saare
(2)
آسمان کھلے گا زمین پھٹ جاوے گی
Aasmaan khule ga, zameen phat jaave gi
بندہ منگے موت اوہنوں موت نہ آوے گی
Banda mange maut ohnu maut na aave gi
ہون عمل دے نتارے مک جان جہیڑے سارے
Houn amal de nataare muk jaan jehde saare
(3)
پانی وچ ڈبے بھانویں اگ وچ سڑے ہوئے
Paani vich dube bhaanvein, aag vich sarde hoye
ہوا چ گواچے بھانویں مٹی وچ دبے ہوئے
Hawa ch gawaache bhaanvein, mitti vich dube hoye
نرسنگا پکارے حاضر ہوون سارے
Narsanga pukaare haazir hovan saare
(4)
نیک بندے یسوع دے سجے ہتھ بہن گے
Nek bande Yesu de sajje hath bhan ge
کھبے ہتھ والے سارے اگ وچ پین گے
Kabhe hath waale saare aag vich peen ge
مسکین پکارے مک جان دھندے سارے
Maskin pukaare muk jaan dhande saare