ڈگا آن تیرے دربار کریں منظور نمانے نوں
Digga aan tere darbaar karen manzoor namane nu
میری سن فریاد پکار کریں منظور نمانے نوں
Meri sun faraad pukaar karen manzoor namane nu
1
یاراں دے نال وچ شراباں دولت سب لٹائی
Yaraan de naal vich sharaabaan daulat sab latayi
بنیا نہ کوئی دردی میرا جدوں مصیبت آئی
Baniya na koi dardi mera jadon museebat aayi
سب چھڈ کے نس گئے یار ، کریں منظور نمانے نوں
Sab chhad ke nas gaye yaar, karen manzoor namane nu
2
میں تیرا تے نالے رب دا کیتا پاپ وڈیرا
Main tera te naale Rabb da kita paap wadera
وچ گناہ دے رلدا پھردا کر دے معاف توں میرا
Vich gunaah de ralda pharda kar de maaf toon mera
میرا کوئی نئیں غم خوار ، کریں منظور نمانے نوں
Mera koi nahi ghamkhwaar, karen manzoor namane nu
3
میں ہن ہر گز نہ اس قابل تیرا پتر سداواں
Main hun har gaz na is qabil tera puttar sadaawan
اج میں تیرا نوکر ہو کے تیرا حکم بجاواں
Aj main tera nokar ho ke tera hukam bajawan
ساری عمر دا خدمت گار ، کریں منظور نمانے نوں
Saari umar da khidmatgaar, karen manzoor namane nu
4
طالبؔ باپ قبولیا بیٹا سب قصور مٹائے
Talib baap qubooliya beta sab qasoor mitaaye
فیر دوبارہ بھلیا بیٹا سینے نال لگائے
Phir dobaara bhliya beta seene naal lagaye
بال دتے قصور وسار ، کریں منظور نمانے نوں
Baal dite qasoor wasaar, karen manzoor namane nu