چڑھیا جے اج اِک سجرا سویرا، مُکیاں غم دیاں راتاں نیں
Chadhiya je aj ik sajra saweera, mukkiyan gham dian raatan ne
سبھناں پاسے وسدیاں ویکھو، نُور دیاں برساتاں نیں
Sabhna pasay wasdiyan vekho, noor dian barsatan ne
1
اُچی ذات مسیحا دی اے، اُچیاں اوہدی شاناں
Uchi zaat Masiha di ae, uchiyan ohdi shaanan
اوہدی عظمت گاؤندیاں نیں ، اج مل کے کُل زباناں
Ohdi azmat gaundiyan ne, aj mil ke kul zubanan
اِکو ذات دے اگے جھُکیاں، باقی ساریاں ذاتاں نیں
Iko zaat de agge jhukiyan, baqi saariyan zaatan ne
2
ساڈے رب نیں ساہنوں ویکھو، سچا پیار وکھایا
Sadday Rab ne sahanu vekho, sacha pyar vikhaya
ساڈے پچھے ساہنوں لبھن، ساڈے گھر وچ آیا
Sadday piche sahanu labhan, sadday ghar vich aaya
سوہنے رب دے کم نیں سوہنے، سوہنیاں اوہدیاں باتاں نیں
Sohnay Rab de kam ne, sohniyan ohdiyan baatan ne
3
یسوع آیا پھیل گئیاں نیں، پیار دیاں خوشبوواں
Yesu aa gaya phail gayan ne, pyar dian khushbuwan
ساڈے دِل دے اندر باہر، لگیاں ویکھو لوواں
Sadday dil de andar bahar, lagiyan vekho lovan
خالق تے مخلوق دیاں اج ، ہو گئیاں ملاقاتاں نیں
Khalq te makhlooq diyan aj, ho gayan mulaqatan ne