بدکاری میں پکڑی عورت لائے ہیں
Badkaari mein pakri aurat laaye hain
پاپی ہیں پر پتھر مارنے آئے ہیں
Paapi hain par patthar maarne aaye hain
آج ذرا ناری کا کھیل تماشا ہو
Aaj zara naari ka khel tamasha ho
کچلیں اِس کو سامنے اِس کا لاشہ ہو
Kachlein is ko saamne is ka laashah ho
1
یسوع تو بھی حصہ لے سنگساری میں
Yesu tu bhi hissa le sangsari mein
تُو بھی شامل ہو اِس بیماری میں
Tu bhi shaamil ho is bimari mein
ورنہ بتلا کیوں نہ ہم سنگسار کریں
Warna batla kyun na hum sangsaar karein
بیوپاری ہیں کیوں نہ ہم بیوپار کریں
Byopari hain kyun na hum byopar karein
2
یہ نہ پوچھنا اِس کا ساتھی کدھر گیا
Ye na poochhna is ka saathi kidhar gaya
مرد کا کیا ہے اِدھر گیا یا اُدھر گیا
Mard ka kya hai idhar gaya ya udhar gaya
آج سبھی مل جل کر پتھر ماریں گے
Aaj sabhi mil jul kar patthar maarenge
اِس زانی کو موت کے گھاٹ اُتاریں گے
Is zaani ko maut ke ghaat utaarenge
3
یسوع نے بھی غور سے سارا حال سنا
Yesu ne bhi ghor se saara haal suna
کیسا سُندر جھوٹوں نے تھا جال بُنا
Kaisa sundar jhooton ne tha jaal buna
مردوں کی آنکھوں میں شعلے تھے
Mardon ki aankhon mein sholay the
پتھر تھامے تھے ، بڑے بھولے تھے
Patthar thaame the, bade bhole the
4
جو ہے پاپ بِنا وہی پہلا وار کرے
Jo hai paap bina wahi pehla vaar kare
پر پہلے مجھ سے آنکھیں چار کرے
Par pehle mujh se aankhein chaar kare
ہر پاپ تمہارا لو میں لکھتا ہوں
Har paap tumhara lo main likhta hoon
کوئی کہہ تو دے صاف میں دِکھتا ہوں
Koi keh de to de saaf main dikhta hoon
5
ایک ایک کر کے چھوڑ گئے سب عورت کو
Ek ek kar ke chhod gaye sab aurat ko
کیڑے پڑ گئے سب کی جھوٹی غیرت کو
Keede pad gaye sab ki jhooti ghairat ko
کہاں گئے جو تجھ کو پھاڑنے آئے تھے
Kahan gaye jo tujh ko phaarne aaye the
بھیڑئیے چھوٹی بھیڑ کو پھاڑنے آئے تھے
Bhairee chhoti bheer ko phaarne aaye the
6
جا بیٹی مَیں نے بھی تجھ کو معاف کیا
Ja beti, main ne bhi tujh ko maaf kiya
پھر نہ گناہ میں پڑنا بالکل صاف کیا
Phir na gunaah mein padna, bilkul saaf kiya
میرا نام ہے یسوع دوست ہوں پاپی کا
Mera naam hai Yesu, dost hoon paapi ka
ایسا روپ ہے یارو ملؔ کے شافی کا
Aisa roop hai yaaru, mil ke shafi ka
7
اِس سے پہلے کہ دوجے پر وار کریں
Is se pehle ke dooje par vaar karein
اپنی آنکھ کے شہتیروں پر غور کریں
Apni aankh ke shehtiron par ghor karein
گرتے بھائیوں بہنوں کو اُٹھائیں ہم
Girate bhaiyon behno ko uthayen hum
خوشخبری یسوع کی یوں پھیلائیں ہم
Khushkhbari Yesu ki yun phelaayen hum