اسی رب دے بندے ہاں
Issi Rab de bande haan
تے رب سانوں پیار کردا اے
Te Rab sanu pyaar karda ae
اسی رُلدے پھردے ساں
Issi rulde phirde saan
تے ہن سانوں یسوع ملیا اے
Te hun sanu Yesu milya ae
(1)
اسی لبھدے پھردےساں
Issi labhde phirde saan
خدا دیاں سچیاں راہواں نوں
Khuda diyaan sachiyaan raahwan nu
اسی نت ترسدے رہندے ساں
Issi nu tarasde rahende saan
پیار دیاں ٹھنڈیاں چھانواں نوں
Pyar diyaan thandiyaan chanwan nu
سانوں سچی زندگی دا یسوع نے رستہ دسیا اے
Saanu sachi zindagi da Yesu ne rasta disya ae
(2)
جنہاں نوں معافی مل گئی اے
Jinhaan nu muaafi mil gayi ae
اوہناں دے بھاگ جاگے نیں
Ohna de bhag jaage ne
اکھاں وِچ خوشیاں وسیاں نیں
Aankhan vich khushiyan wasiyan ne
دلاں وچ چانن ہو گئے نیں
Dilaan vich chaanan ho gaye ne
ویکھو جی رب دا پیار
Vekho ji Rab da pyaar
کہ جیہڑا جگ تھوں وکھرا اے
Ke jehda jag to vikra ae
(3)
ہن چار چوفیرے خوشیاں دے
Hun chaar chofeere khushiyan de
پھل سجرے کھڑ پئے نیں
Phal sajre khad paye ne
عرشاں دے وارث ہو گئے نیں
Arshyan de waaris ho gaye ne
جیہڑے قدمی لگ گئے نیں
Jehde qadmi lag gaye ne
ساڈے اُجڑیاں باگاں نوں
Sade ujdeyan bhaagan nu
یسوع نے آن وسایا اے
Yesu ne aan wasaya ae