اپنے لہو نال یسوع میرے دل دی کالخ لائی اے
Apne lahoo naal Yesu mere dil di kalakh laayi ae
وانگ برف دے چٹیاں کر کے کیتی خوب صفائی اے
Vaang barf de chatiyaan kar ke keeti khoob safai ae
1
وچ گناہ دے جیون کشتی ڈولے کھا کھا تھکی سی
Vich gunah de jeewan kashti dole kha kha thaki si
اپنا ہتھ ودھا کے سوہنے یسوع پار لنگھائی اے
Apna hath wadha ke sohne Yesu paar langhaayi ae
2
جد دا میں یسوع وچ ہویا حکم سزا دا رہیا نہ
Jad da main Yesu vich hoya hukm saza da rahya na
دستاویز گناہواں والی یسوع آپ مٹائی اے
Dastaveez gunahwan wali Yesu aap mitayi ae
3
میں مخلوق نواں ہاں اج تھوں او نئیں جو پہلاں ساں
Main makhlooq navaan haan aj thon o nai jo pehlan saan
موت چوں کڈھ کے زندگی یسوع میرے ناویں لائی اے
Maut cho kad ke zindagi Yesu mere naween laayi ae
4
کیتا دور ہنیرا دل دا چانن چشمے پھُوٹے نیں
Keeta door huneera dil da chanan chashmey phootay ne
سورج چن ستاریاں اندر یسوع دی روشنائی اے
Sooraj chan sitariyan andar Yesu di roshnai ae