(دوہڑا)
(Dohrra)
ایہ گل مشہور زمانیاں تھوں، کہ بشر رب نوں ویکھ نہ سکدا اے
Eh gal mashhoor zamanian thon, ke bashar Rab nu vekh na sakda ae
موسیٰ سچ مچ ہو بے ہوش گیا، اک نور دی جھلک جدوں تکدا اے
Moosa sach much ho beshosh gaya, ik noor di jhalak jadon takda ae
میں حیران آں کیوں صورت اپنی نوں، صورت اپنی تھوں اولے رکھدا اے
Main hairaan aan kyon soorat apni nu, soorat apni thon oole rakhda ae
ایہہ بے رُخی اے طالباؔ پیار کاہدا اے ، جے تے منہ وکھاؤن تھوں وی چہکدا اے
Eh be-rukhi ae talibaan pyaar kaahda ae, jey te munh vakhaund thon vi chehkda ae
مینوں سمجھ آ گئی جدوں پرکھیا میں، کہ بنیا رحمت دا اوہدوں اصول نئیں سی
Mainu samajh aa gayi jadon parkhiya main, ke baniya rehmat da ohdon usool nahi si
اوہدوں دَور شریعت دے زور دا سی، ہویا فضل دا اجے نزول نئیں سی
Ohdon daur shariat de zor da si, hoya fazl da ajay nuzool nahi si
پڑھیا گیا نہ سبق نجات اودوں، کھلا پیار دا اجے سکول نئیں سی
Parhya gaya na sabaq najat odon, khula pyaar da ajay school nahi si
اوہنوں طالباؔ مل خریدیاں دی، قیمت اجے تک ہوئی وصول نئیں سی
Ohnun talibaan mil kharidiyaan di, qeemat ajay tak hui wasool nahi si
۔۔۔
(استھائی)
(Asthai)
آجا تینوں مَیں وکھاواں جے تُوں رب ویکھنا
Aaja tenu main vakhawa jey tu Rab vekhna
لگا کنج ساڈے پاپاں دا سبب ویکھنا
Laga kunj sade papaan da sabab vekhna
۱
جدا طور اُتے موسیٰ نے دیدار منگیا
Jida Toor ute Moosa ne didaar mangiya
ویکھو اج کیہڑے رنگ وچ گیا رنگیا
Vekho aj kehrey rang vich gaya rangiya
اوہو چرنی چ بیٹھا پھب پھب ویکھنا
Oho charni ch baitha, phub phub vekhna
۔۔۔
کوئی کہندا مسجد خانۂ خدا، کوئی کہندا مندر وسدا اے
Koi kehnda masjid khana-e-Khuda, koi kehnda mandir vasda ae
کوئی آکھے باہر رہندا اے ، کوئی آکھے اندر وسدا اے
Koi aakhe bahar rehnda ae, koi aakhe andar vasda ae
۔۔۔
انسان دے متھےلگنا ای نئیں ، اے رب نے بنھیا عہد نئیں
Insaan de mathay lagna ae nahi, ae Rab ne banhiya ehad nahi
اوہدے ہور وی بوہت ٹھکانے نیں، لگی ہوئی بالکل قید نئیں
Ohde hor vi bohot thikane ne, lagi hui bilkul qaid nahi
۔۔۔
کئی رنگاں دے وچ رنگیا اے ، کئی رنگ تے روپ وٹاؤندا اے
Kai rangan de vich rangiya ae, kai rang te roop wataunda ae
کدی غیبی وازاں دیندا اے ، کدی ہتھ تے کنڈ وکھاؤندا اے
Kadi ghaibi wazaan dinda ae, kadi hath te kund vekhaunda ae
۔۔۔
اک پہلا پہلا آدم سی ، جسمانی خاک دا پتلا سی
Ik pehla pehla Adam si, jismani khaak da patla si
اک دوجا آدم نورانی، اوس آدم دا او اُتلا سی
Ik dooja Adam noorani, os Adam da o utla si
۔۔۔
تیرا دل اوہدا ہیکل خانہ، ذرا کھول دے دل دا دروازہ
Tera dil ohda heikal khana, zara khol de dil da darwaza
بوہے نوں جندرا لایا ای، کنج اندر آجائے رند بازہ
Bohe nu jundra laya ae, kunj andar aajae rand baza
۔۔۔
…
گل ہن نہ رہ گئی اولے دی، اے ہو گیا صاف اندازہ اے
Gal hun na reh gayi oole di, ae ho gaya saaf andaza ae
جنت جے تے گھر رب دا اے، چرنی اوہدا دروازہ اے
Jannat je te ghar Rab da ae, charni ohda darwaza ae
۔۔۔
ایمان میرا لم یو لد تے، اے مینوں شرع سکھاؤندی اے
Emaan mera lam yu lad te, ae mainu shari sikhaundi ae
پر تیرے گھر چوں یاربا، آواز بچے دی آؤندی اے
Par tere ghar choo Yarba, aawaz bachay di aaundi ae
۔۔۔
کائنات دا سرور ایہو ای اے، مالک ایہوتڑ پھردا اے
Kainaat da sarwar eho ae, Malik ehotar pharda ae
پیراں دا پیرِ کامل اے ، سائیں سائیاں دے سر دا اے
Piraan da peer-e-kaamil ae, Saeen saaiyaan de sar da ae
جد اپنی موج تے آ جاوے پانی تے ٹریا پھردا اے
Jad apni moj te aajawe paani te tria pharda ae
۔۔۔
ہر روپ اداواں بھر دا اے ، ہر رنگ اوہدا ترموندا اے
Har roop adawan bhar da ae, har rang ohda tarmonda ae
کدیاں ہسدیاں دے نال ہسدا اے، کدی روندیاں دے نال روندا اے
Kadi hasdiyan de naal hasda ae, kadi rondiyan de naal ronda ae
کدی بادشاہواں د ا شاہ بن کے ، سر تاج نورانی سوندا اے
Kadi badshahwan da shah ban ke, sar taaj noorani sounda ae
کدی خادماں دا خادم بن کے ، پیا پیر کسے دے دھوندا اے
Kadi khadmaan da khadim ban ke, piya peer kise de dhonda ae
۔۔۔
سلطانِ اعظم عرشاں دا ، ہتھ رکھدا اے سلطاناں تے
Sultan-e-azam arshaan da, hath rakhda ae sultanan te
اے کرم دا بدل وسیا اے ، رحمت بن کے انساناں تے
Ae karam da badal vasya ae, rehmat ban ke insanan te
ایس ناں جیہا ہور نئیں ناں کوئی، دنیا دیاں کسے زباناں تے
Es naa jiha hor nahi, naa koi, duniya diyaan kise zabanaan te
ایہہ ناں نئیں دوجا ہو سکدا، ناں دھرتی ناں اسماناں تے
Eh naa nahi dooja ho sakda, naa dharti naa asmaan te