نورِ خدا دیکھو آیا ہے ، ابر کرم آج چھایا ہے

نورِ خدا دیکھو آیا ہے ، ابر کرم آج چھایا ہے
خوشیوں سے جھومو ، خوشیوں سے گاؤ
ابن خدا آج آیا ہے
۱
چاہت کے رنگوں کی میرے مسیحا دھنک تُو ہے
گلشن میں پھیلی ہوئی بھینی بھینی مہک تُو ہے
قوسِ قزح کے رنگوں میں رنگ نیا اِک سمایا ہے
۲
بے رنگ بے نور دنیا تھی اک زمانے سے
ویران دل میں بجے جلترنگ تیرے آنے سے
ہم کو نجات کے بانی نے جینے کا ڈھنگ سکھایا ہے
۳
روشن ستارہ ہماری اُمیدوں کی پہچان ہے
ابدی محبت ، نجات و صلح کا یہ سامان ہے
نور نے آنچل پھیلا کے نغمہ امن کاسنایا ہے