نقش ظلمت کے مٹانے آ گیا ابنِ خدا

نقش ظلمت کے مٹانے آ گیا ابنِ خدا
پاپ دنیا کے اٹھانے آ گیا ابنِ خدا
۱
رُخ پہ بیت لحم کے دیکھو نور کی ہیں تجلیاں
دُور ہوں رنج و الم دُور ہوں تاریکیاں
گائے بحر و بر ترانے آ گیا ابنِ خدا
۲
سارے عالم کے لئے ہی کیا مبارک ساعت ہے
درمیاں انسان کے اب خود الہٰی ذات ہے
تھی جدائی وہ مٹانے آ گیا ابنِ خدا
۳
دیکھ کر سارے مکیں ارض و فلک کے شاد ہیں
موت میں جکڑے تھے جو وہ موت سے آزاد ہیں
مخلصی سب کو دلانے آ گیا ابنِ خدا