مکتی دی راہ اُتے قدم ودھائی جا
یسوع مصلوب والا نام تہائی جا
۱
ٹوئے ٹبے لنگھ جا مسافرا سنبھال کے
پہنچنا صلیب اساں لکھاں دُکھ جھال کے
اوہدے دُکھاں نال دُکھ اپنے رلائی جا
۲
اکھیاں نوں میٹ کے تے لنگھ جا بازار چوں
کسے کجھ کھٹیا نئیں جگ دے بپار چوں
تینوں کسے نال کیہ تُوں اپنی نبھائی جا
۳
تھائیں تھائیں وچھے ہوئے جال نیں شیطان دے
ڈھنگ اوہنوں یاد نیں کراہے تینوں پان دے
ہو کے ہوشیار جان اپنی بچائی جا
۴
داؤد بادشاہ تے دانا سلیمان جئے
ہار گئے نیں قاضی سمسون پہلوان جئے
کنڈیاں دی واڑ کولوں دامن بچائی جا
۵
راہ وچ رہ جانا کم نئیں جوان دا
شمع دے پیار نوں پتنگ ہی پہچان دا
شمع ایں صلیب اُتے زندگی جلائی جا
Please note: The video/audio is provided just for reference purpose only to help people learn the tune. In case of any typo, wrong worshiper/poet/composer/category or any other issue in lyrics,
Report an Issue
Thank You!
Your report has been submitted successfully. We will fix it as soon as possible.
