مجھے حادثوں کی فکر نہیں ہے خوف کیا خبر نہیں

مجھے حادثوں کی فکر نہیں
ہے خوف کیا خبر نہیں
جب یسوع ہے میرے ہم قدم
کسی موڑ کا مجھے ڈر نہیں
۱
میرا آشنائے حال ہے
مشکلوں میں میری ڈھال ہے
میرا زور ہے میرا ناصری
میرا زورِ بازو بشر نہیں
۲
مَیں خاک ہوں یہ بھلاؤں کیوں
کسی بات پہ اِتراؤں کیوں
میرا فخر فقط صلیب ہے
مجھے اَور کوئی فخر نہیں
۳
میری بندگی محدود ہے
اے مسیح تُو میرا معبود ہے
تُو ہی ہر بشر کی نجات ہے
کوئی دوسرا اَور دَر نہیں