مجسم ہو کے دیکھو پیار آیا

مجسم ہو کے دیکھو پیار آیا
خدائے پاک کا اوتار آیا
۱
ہر اِک لب پر خوشی کے ہیں ترانے
گناہ سے موت سے ہم کو چھڑانے
ہمارا حامی و غمخوار آیا
میرا شافی میرا دلدار آیا
۲
بنایِ عالم سے جس کی جستجو تھی
تمنا جس کی سب کو کوبہ کو تھی
سبھی نبیوں کو جس کی آرزو تھی
محبت کا وہ بن اظہار آیا
۳
نمایاں ہر جگہ جو ہر کہیں ہے
وہ جس کا کوئی ہمسر ہی نہیں ہے
یہاں پر ہی نہیں وہ ہر کہیں ہے
عبادت کا جو ہے حقدار آیا