میری قوم کے جوانو میری یہ بات مانو

میری قوم کے جوانو، میری یہ بات مانو
اٹھو آگے بڑھو ، اپنی منزل کو پہچان لو
کوئی نہیں ہے آگے تم سے
کوئی نہیں ہے بہتر تم سے
ہمت سے کام گر تم لو تو
ہوگا زمانہ سارا پیچھے
(۱)
رکھو تم بھروسہ خداوند خدا پہ
نہ چھوڑے گا تم کو سدا
ہو کچھ بھی کہیں بھی نہ ڈرنا کبھی بھی
وہی ہے تمہاری پناہ
(۲)
جو آئے مصیبت کڑی سے کڑی بھی
یا آئے پھر آندھی طوفان
وہ بھیڑوں کو اپنی بچانے کی خاطر
خود آئے گا بن کے چوپان
(۳)
ہو منزل تمہاری مسیح ناصری ہی
ہو سولی تمہارا نشان
اسی میں چلو تم اسی میں بڑھو تم
اسی پہ ہی رکھو ایمان