زبور 7: میری پناہ ہے توئیں یہواہ میرے خُدا

میری پناہ ہے توئیں یہواہ میرے خُدا
اوہ سب جو میرے پیچھے پڑےاوناں توں بچا
1
دُشمن تے مینوں شیر دے وانگر نہ کھاوے پھاڑ
اوہ ٹوٹے میرے کرے جدوں ہو نہ مدد گار
2
جے میرے ہتھوں ہووے یہواہ کوئی بدی
یا اپنے میلی نال بدی کیتی ہو کدی
3
یا اونوں جہیڑا میرا ویری اویں ہو گیا
تے ظلم کر کے اونوں کدی میں ہو لُٹ لَیا
4
تاں ویری پیچھا کر کے میرا لووے میرا جی
عزت ملا دے مٹی دے وچ مارے جان میری
5
اُٹھ اپنے غصے دے وچ اے یہواہ تے ہو بلند
تے دشمناں دے جوش نوں تُوں آپی کر دے بند
6
تُو میرے لئی جاگدا رہ اے میرے خُدا
انصاف سارا تیری ہی طرفوں ہے اے خُدا
7
قوماں تے سب اکٹھیاں ہویاں تے حضور
اوناں دے لئی ہو تُو بلند اے میرے غفور