میرا یسوع جلالی اے باقی سارے قبراں چ نیں اوہدی قبر وی خالی اے ۱
توں دتیاں توفیقاں نیں
لوکی ہورے کنوں تکدے
ساہنوں تیریاں اوڈیکاں نیں
۲
آسمانی تار ے نیں
زندگی یسوع کول اے
باقی جھوٹھے لارے نیں
۳
چن چڑھ کے لہندا اے
یسوع کدوں آویں گا
دل ترسدا رہندا اے
۴
مان یسوع دیاں شاناں تے
سارا جگ دھرتی تے
میرا یسوع اسماناں تے
۵
سونے دی تار ہووے
جگ سارا رُس جاوے
پر یسوع یار ہووے
۶
ہن ملیاں توفیقاں نیں
ساڈیاں گناہواں تے
اوہنے ماریاں لیکاں نیں
۷
روٹی اُتے پونا اے
ساریاں ناواں وچوں
یسوع ناں بس سوہنا ایں
۸
کسے در تے شفا کوئی نہ
میرے یسوع نالوں وڈا
ایس جگ تے خدا کوئی نہ
۹
کوئی ڈھولک وجدی اے
زندگی دی روٹی او
ساری خلقت رجدی اے
۱۰
یسوع کرم کمایا اے
کڈھ کے گناہ وچوں
ساہنوں سینے نال لایا اے
۱۱
اوہدی شان نرالی اے
مر کے او جی اٹھیا
ویکھو قبر وی خالی اے
۱۲
کوئی واجا وجدا اے
ست سُراں دا سہرا
اوہدے سر اتے سجدا اے
۱۳
کنڈیاں دا تاج ہووے
سولی والے شافی دا
دنیا تے راج ہووے
Please note: The video/audio is provided just for reference purpose only to help people learn the tune. In case of any typo, wrong worshiper/poet/composer/category or any other issue in lyrics,
Report an Issue
Thank You!
Your report has been submitted successfully. We will fix it as soon as possible.