میرا رب رحیم اے میرا رب رحیم اے

میرا رب رحیم اے ، میرا رب رحیم اے
رحمت کر دا ساریاں اتے ، اوہدی ذات عظیم اے
(۱)
ترس دے مارے لوکاں اتے ترس او کھاندا اے
دکھیاں تے لاچاراں نوں او گل نال لاندا اے
صدیاں وی اے دین گواہی اوہدا پیار قدیم اے
(۲)
اوہدے ہتھ نے سب دیاں ڈوراں اوہو سب دا رکھوالا
اپنے ناں دی خاطر سب نوں زندگی بخشن والا
او ای بخشن ہار ہے سب دا ، اوہو رب کریم اے
(۳)
پوریاں کر دا سب دیاں آساں ، اوہدے در تے آواں
ایسے لئی فراز میں ہر دم اوہدیاں صفتاں گاواں
نظر نئیں جے آؤندا پر او سب دے دل وچ مقیم اے