میرا خُدا ہر روز مجھے نئی خوشیاں دیتا ہے

میرا خدا ہر روز مجھے نئی خوشیاں دیتا ہے
شادماں وہ شادماں وہ مجھ کو بنا دیتا ہے
۱
جب ہوتی ہے کوتاہی کوئی یا بات غلط مجھ سے
میں کرتا نہیں ہو جاتا ہے جب کام غلط مجھ سے
میرا خدا بگڑے ہوئے میرے کام بنا دیتا ہے
۲
جب بھول میں جاتا ہوں کبھی بائبل کی باتوں کو
جب نیند سے اُٹھ جاتا ہوں گھبرا کر راتوں کو
میرا مسیح آ کر میرے سپنوں کو جگا دیتا ہے
۳
جب غیر ہو جاتے ہیں ایسے ہی خفا مجھ سے
اور دوست بھی کر جاتے ہیں ویسے ہی جفا مجھ سے
وہ پیار کی پھلواری سے میری راہوں کو سجا دیتا ہے