مَیں نے ڈھونڈا یہ سارا جہاں تیرے جیسا نہ کوئی ملا

مَیں نے ڈھونڈا یہ سارا جہاں
تیرے جیسا نہ کوئی ملا
جیسے تُو نے کیا ہے شما
تیرے جیسا نہ کوئی ملا
۱
پاپوں کا تھا قرض مجھ پہ جو بھاری
دُکھوں میں زندگی گزاری تھی ساری
میرے گناہوں سے مجھ کو بچانے
تو نے خدا اپنی زندگی تھی واری
تُو نے کر دی ہے قیمت ادا
تیرے جیسا نہ کوئی ملا
۲
دنیا کے آگے دہائی بہت دی
آنسو کے بن نہ ملا مجھ کو کچھ بھی
تجھ کو ملا جب مَیں تب تجھ کو جانا
تب تیرے آگے جو مَیں نے دعا کی
تو نے سن لی ہے میری دعا
تیرے جیسا نہ کوئی ملا
۳
حسرت کو پوری تو نے کیا ہے
جو مَیں نے مانگا وہ تو نے دیا ہے
دے کے سکوں میری زندگی کو تو نے
میرا ہر ایک بوجھ تو نے لیا ہے
میری خوشیوں کی تُو ہے وجہ
تیرے جیسا نہ کوئی ملا