موت نے اک دن بنھ کے روح نوں لے جانا ایہہ قلبوت مٹی دا اک دن ڈھے جانا روح نوں لے جانا ۱
کہہ بندیا اس جگ وچ رہ کے کردا پھریں کمائی
خوف خدا دا دلوں بھلا کے کردا پھریں برائی
کر دا پھریں لڑائیاں جھگڑے نئیں سکھیا سہہ جانا
۲
ایہہ دنیا جس وچ تُوں لا کے بیٹھ رہیا ایں ڈیرا
پیندا اے دن راتیں ایتھے ملک الموت دا پھیرا
تیرے بوہے تے وی اک دن اوس نے آ بہھ جانا
۳
ماں پیو متر بھین بھراواں بہھ جانا پھڑپاوے
موت دے پنجے وچوں تینوں اے پر کون چھڈاوے
مار جھپٹا باز دے وانگر اوس تینوں لے جانا
۴
پاون گے پھڑ کے قبر وچ تینوں رشتے دار نگینے
پیدا ہوئیوں زمین دی مٹیوں جاویں فیر زمینے
ہڈیاں وال تے خون تے چمڑا کجھ وی نئیں رہ جانا
۵
پاپیا ہن وی توبہ کر کے پاپ کمانوں مڑ جا
سچے دل تھیں تائب ہو کے در یسوع تے اَڑ جا
دل تیرے وچ اس دا منیا دن محشر بہھ جانا
Please note: The video/audio is provided just for reference purpose only to help people learn the tune. In case of any typo, wrong worshiper/poet/composer/category or any other issue in lyrics,
Report an Issue
Thank You!
Your report has been submitted successfully. We will fix it as soon as possible.
