مسیحا تُو قدرت اپنی دِکھا دے

مسیحا تُو قدرت اب اپنی دِکھا دے
گناہ میں جو مُردہ ہیں اُن کو جِلا دے
۱
تُو ہی نُورِ حق ہے تُو ہی رہنما ہے
جو بھُولے ہیں اُن کو حقیقت بتا دے
۲
جو کرتے ہیں توبہ گناہوں سے اپنے
اُنہیں بندِ ظالم سے آ کر چھڑا دے
۳
بڑھا شان و حشمت تُو اپنی خُدایا
بُت و بُت پرستی جہاں سے مِٹا دے
۴
تِرے کارِ اقدس کے کرنے میں اے ربّ
جو ہیں مُشکلیں تُو وہ ساری ہٹا دے
۵
جو تُخم کلامِ مقدس ہے بویا
اُسے سُننے والوں کے دِل میں اُگا دے
۶
یہی ہے تمنائے دِل اے مسیحا
ہمیں اپنی رحمت سے آبِ بقا دے