مسیح جی اٹھا ہے ہیلیلویاہ گاؤ

مسیح جی اٹھا ہے ہیلیلویاہ گاؤ
سُر و تار سے ساز مل کر بجاؤ
۱
کہا اس کو مریم نے مالی سمجھ کر
دھرا ہے کہاں میرا منجی بتاؤ
۲
تو زندہ کو مُردوں میں کیوں ڈھونڈتی ہے
کہا اُس نے مریم ذرا غوش لاؤ
۳
سبھی ساتھیوں اور پطرس کو فوراً
میرے زندہ ہونے کی بابت سناؤ
۴
کرو مومنو اب عبادت مسیح کی
دل و جاں سے اپنی عقیدت دکھاؤ
۵
کہ زندہ ہوا ہے مسیح درحقیقت
یہ مژدہ زمانے میں ہر سو پھیلاؤ
۶
فتح موت و عصیاں پہ ہوئی یسوع کو
ہیلیلویاہ کےآج نعرے لگاؤ