میں جو ڈوبا تھا گناہوں میں تھا میں مدہوش جگ کی راہوں میں

میں جو ڈوبا تھا گناہوں میں
تھا میں مدہوش جگ کی راہوں میں
ایک آواز مجھ کو یوں آئی
بیٹے آ لے لوں میں بانہوں میں
لوٹ آ ، لوٹ آ ، لوٹ آ، لوٹ آ
(۱)
کیسی میٹھی مدھر تھی اس کی دھنی
میری خاطر صلیب راہ چنی
وہ تھا بے عیب کچھ گناہ نہ تھا
تھا میرے واسطے گناہ جو بنا
پیار ہی پیار ہی تھا نگاہوں میں
(۲)
سب سہے ظلم کھائے تھے کوڑے
چور ڈاکو تھے آس پاس کھڑے
دشمنوں نے تھا ایسا جال بُنا
برملا اس کا تھا تماشا بنا
کیل ہاتھوں میں اور تھے پاؤں میں
(۳)
دھار اس کے لہو کی پھر جو بہی
زندگی اصل میں ہے دیتی وہی
پیار کی حد نہ تھی کوئی انتہا
اس کے لہو سے ہی ملی ہے شفا
بادشاہ وہ ہے بادشاہوں میں