معاف کرو معاف کرو

معاف کرو معاف کرو
اک دوجے کو معاف کرو
اُس نے ہم کو معاف کیا
تُم بھی سب کو معاف کرو
۱
خفگی تمہاری دِن ڈھلنے سے
پہلے ختم ہو جائے
سوچو خود کو بھولے سے بھی
نہ کوئی ستم ہو جائے
بھول پرانی باتیں تُم
دِل کو اپنے صاف کرو
۲
سات کے ستر بار کہا ہے
سمجھو ذرا یسوع کی بات
چاہت کے اب دیپ جلاؤ
چھوڑو نفرت والی بات
بخش خطائیں اِک دوجے کی
رشتوں کو شفاف کرو
۳
نفرت کی اِس کالی رات میں
کیا کھویا کیا پایا ہے
کتنے پیارے رشتوں کو
ہاتھ سے آپ گنوایا ہے
کب تک یہ آگ جلتی رہے
خود ہی انصاف کرو