(دوہڑا)
باغ عدن وچوں آدما تینوں ، لے گیا اینج ابلیس سی ول کے
رام چندر دی سیتا نوں ، جنویں لے گیا کیسر چھل کے
لگی رہندی تانگ سی تیری کدوں فیر بواں گے رل کے
تیرے ول کئی قاصد اپنے ، رب ہار گیا گھل گھل کے
چھڈ کے اپنا تخت جلالی ، تے بٹھا طالبا چرنی مل کے
آپے آگیا آدما او ، تیرا رب تیرے کول چل کے
۔۔۔
مِٹ گئے نیں شکوے تے مُک گئے تفرقے
پاڑ سُٹے رب نے وچھوڑیاں دے ورقے
دنیا تے تیری بل بل بن گئی اے
۔۔۔
(استھائی)
لے اوئے آدما دوبارہ تیری گل بن گئی اے گل بن گئی اے گل ول بن گئی اے دنیا تے تیری بل بل بن گئی اے ۱
رب تینوں اپنی حضوری وچوں کڈھیا
پھردا سیں اپنے گناہواں نال لدیا
رحمت خدا دی تیرا حل بن گئی اے
۲
چرنی نوں کہندے لوکی ڈنگراں دی کھرلی
کھرلی وچ وجاوے سوہنا پیار والی مرلی
چرنی خدا دا اے محل بن گئی اے
۳
آ گیا رکھوالا یسوع تیری جند جان دا
ہن کاہنوں ڈر تینوں لگدا طوفان دا
اج تقدیر تیرے ول بن گئی اے
Please note: The video/audio is provided just for reference purpose only to help people learn the tune. In case of any typo, wrong worshiper/poet/composer/category or any other issue in lyrics,
Report an Issue
Thank You!
Your report has been submitted successfully. We will fix it as soon as possible.
