لوردس کیسا سوہنا تھاں
جس تھاں برنادت ویکھی
مریم عرشاں دی رانی
عرشاں دی رانی
۱
ٹُردی ٹُردی برنادت کھلو گئی
دل وچ کہندی کیہ گل ایتھے ہو گئی
چانن دے ول ویکھدیاں نظریں ماں مریم آئی
چمکے پوشاک نورانی شکل نورانی
۲
ٹووا پُٹ کے ویکھ کرامت آکھدی
کر کے گل منظور اوہ مریم پاک دی
برنادت نے پُٹیا تھاں، مار کے ٹھاٹھاں آیا
چشمے دا پانی پانی ، چشمے دا پانی
۳
غسل کرن گے جہیڑے نال ایمان دے
چنگے ہو کے پرت گھراں ول جان گے
گھر گھر لوک سناون گے دنیا دی حداں تیکر
لوردس دی پاک کہانی ، پاک کہانی
۴
برنادت نوں منہ تے لوکی آکھدے
لوردس دی گل کر نوں اوہناں ٹھاکدے
آکھن چرچا جان دیو گل وچ اثر نہ کوئی
برنادت کہن دیوانی ہو گئی دیوانی
۵
مریم ساڈے دل وچ عزت پا گئی
ساہنوں اپنا اعلیٰ پیار وکھا گئی
دھن دھن مینوں آکھن گے روزِ قیامت سیدھاں
مریم نے کہیا زبانی اپنی زبانی
Please note: The video/audio is provided just for reference purpose only to help people learn the tune. In case of any typo, wrong worshiper/poet/composer/category or any other issue in lyrics,
Report an Issue
Thank You!
Your report has been submitted successfully. We will fix it as soon as possible.