لگی مرض دی بھاری
جند پئی ترلے پاءوندی اے
1
تھکا لبھ طبیب سیانے
میری مرض کوئی نہ جانے
سبھے نبض ویکھ شرمائے
نِت پئی ودھدی جاندی اے
2
تینوں ویکھ طبیب چنگیرا
تیرے در تے لایا ڈیرا
ڈاہڈا مرض گناہ دا میرا
پئی اِنجیل سُناندی اے
3
ساڈی خاطر جگ تے آئیوں
نالے مُکتی نال لیائیوں
پُتر ربّ دا آپ کہا ئیوں
جند تیرے در دی باندی اے
4
میری ڈور تیرے در تائیں
میرا بیڑا بنے لائیں
کر رَحم غُلام بچائیں
جند پئی غوطے کھاندی اے
5
ہوئے پاپ میرے تھوں جیہڑے
کر رحم بخش دے میرے
کجھ گل نہیں اگے تیرے
پاپاں کیتا ماندی اے
Please note: The video/audio is provided just for reference purpose only to help people learn the tune. In case of any typo, wrong worshiper/poet/composer/category or any other issue in lyrics,
Report an Issue
Thank You!
Your report has been submitted successfully. We will fix it as soon as possible.
