کتنی پیاری مقدس حسیں رات ہے

کتنی پیاری مقدس حسیں رات ہے
آدمی سے خدا کی ملاقات ہے
۱
اِ ک ستارہ ہے پُورب میں جس کا نشاں
آج چرنی میں آیا وہ شاہِ زماں
ہر مجوسی کے ہاتھ میں سوغات ہے
۲
منتظر تھے زمانے تیری دید کے
مل گئے ہیں بہانے تیری دید کے
اس ستارے اور چرنی کی کیا بات ہے
۳
انبیا ء کے مکمل نوشتے ہوئے
نغمہ زن آسماں پر فرشتے ہوئے
ہر زباں اور لب پہ تیری بات ہے
۴
تیرے آنے سے ہر سُو اُجالا ہوا
آج انسان کا بول بالا ہوا
سب سے اعلیٰ و افضل تیری ذات ہے
۵
تیری خوشبو معطر فضاؤں میں ہے
تیری تعریف میٹھی ہواؤں میں ہے
تیرے ہمراہ تاروں کی بارات ہے