کسی کو بھی دل میں بسانے سے پہلے

کسی کو بھی دل میں بسانے سے پہلے
یسوع کے لئے سوچنا
وہ چاہتا ہے تجھ کو حد سے بھی زیادہ
دل اُس کا نہ تُو توڑنا
نہ اُس کے برابر ہو کوئی بھی دل میں
نہ اُس سے زیادہ ہو کوئی بھی دل میں
۱
چھوٹا سا دل ہے تھوڑی جگہ ہے
ہے جس نے بنایا کیا باہر کھڑا ہے
بُلا اُس کو اندر بٹھا اُس کو دل میں
دے سب سے زیادہ جگہ اُس کو دل میں
۲
اگر اُس کو دل کا تُو حاکم بنائے
وہ تیرے پیاروں سے تُجھ کو ملائے
وہ اُن کو بھی ساتھ سجائے گا دل میں
وہ رُوٹھے منا کر لائے گا دل میں
۳
تُو جیون سارا اُسی نام کر دے
وہ تجھ کو اپنی برکت سے بھر دے
وہ خوشیاں بھی لاتا رہے تیرے دل میں
وہ پیاربڑھاتا رہے تیرے دل میں