خدایا مجھے ایسا شوہر بنا دے جو اپنی محبت سے گھر کو سجا دے

خدایا مجھے ایسا شوہر بنا دے
جو اپنی محبت سے گھر کو سجا دے
۱
یہ بیوی کا تحفہ جو تُو نے دیا ہے
یہ تیرا کرم ہے یہ تیری رضا ہے
کہ سمجھوں اُسے اپنا ہی جسم و جاں میں
مجھے پیار کا تُو سلیقہ سکھا دے
۲
معافی کا جذبہ عطا مجھ کو کر دے
محبت اپنی میرے دِل کو بھر دے
مَیں اپنی طرح اپنے ساتھی کو چاہوں
میرے دِل میں ایسی محبت جگا دے
۳
تُو ایسا خدایا میرے من کو کر دے
جیون میں وفاؤں کی تصویر بن کے
نمونہ بنوں دوسروں کے لئے مَیں
تُو کردار میرا مثالی بنا دے
۴
میری زندگی سے تجھے لوگ دیکھیں
کہ خوش حال رہنا بھی مجھ سے وہ سیکھیں
کہ جیون میرے سے ہو تیری گواہی
میری زندگی کو تُو یوں جگمگا دے