کھاؤ بدن پیو لہو میری یادگاری کے لئے

کھاؤ بدن پیو لہو، میری یادگاری کے لئے
لہو جو سولی پر بہا، ہر اک بیماری کے لئے
۱
گر میں لہو نہ بہاتا، بدن جو توڑا نہ جاتا
تو شفا نہ پاتا، اپنے گناہ میں مرجاتا
یہ ہے کفارہ ابدی ، اس دنیا ساری کے لئے
۲
اس پاک میز پہ آؤ، خود کو ذرا آزماؤ
پہچانو میرے بدن کو، کہیں سزا نہ پاؤ
ہے یہ ضروری سب کے لئے ، دل کی تیاری کے لئے
۳
تیرے لہو نے مسیحا، دھوئے ہیں میرے گناہ
کیا ہے پاک دوبارہ ، بخشی ہے مجھ کو شفا
کھول دے لب اپنے رضاؔ، شکرگزاری کے لئے