خالق مجسم ہوا ہے مالک مجسم ہوا ہے

خالق مجسم ہوا ہے
مالک مجسم ہوا ہے
دیکھو چرنی میں نور خدا ہے
۱
بیت لحم کی فضائیں
کیوں نہ ناچیں کیوں نہ گائیں
ظلمت تھی چاند آ گیا ہے
دیکھو چرنی میں نور خدا ہے
۲
چھوڑ کر عرش وہ آ گیا
راہ زندگی ہمیں دکھا گیا
مرض گناہ کی دوا ہے
دیکھو چرنی میں نور خدا ہے
۳
بوجھ سے دبے ہوئے آزاد ہوں
مغموم دل آج شاد ہوں
بے کس کا وہ آسرا ہے
دیکھو چرنی میں نور خدا ہے
۴
مدتوں سے جو ہوئی تھی عیاں
مریم کی گود میں ہے ضوفشاں
یہی وہ ازلی ضیا ہے
دیکھو چرنی میں نور خدا ہے