کلام کی بارش برسا دے ، دھو دے تن اور من

کلام کی بارش برسا دے ، دھو دے تن اور من
تیرا کلام سچائی ہے ، اس میں سب کی بھلائی ہے
کھول دے ہر بندھن
۱
دو دھاری تلوار ہے یہ، بند بند میں سے گزر جائے
روح جاں کی توانائی ہے ، کرتا رہنمائی ہے
تیرا ہر سُخن
۲
اک انمول خزانہ ہے ، مَیں نے یہ پہچانا ہے
ساگر سی گہرائی ہے ، پربت سی اونچائی ہے
یہ ایک من درپن
۳
نازل کر کلام اپنا، دے مجھ کو الہام اپنا
مَیں نے یہ بات آزمائی ہے ، تیری ہی خدائی ہے
گاؤں تیرے بھجن
۴
جو کلام کو پڑھتا ہے، کان لگا کر سُنتا ہے
اس نے حکمت پائی ہے ، ہوگئی دل کی صفائی ہے
بخشے نیا جیون
۵
تیرا کلام ہے آگ خدا، بھسم کر دیتا ہے گناہ
دُور کرے رسوائی ہے ، زندگی جگمگائی ہے
روح اور جان بدن