جھلمل ستاروں کی کہکشاں مژدہ سناتا ہے آسماں

جھلمل ستاروں کی کہکشاں مژدہ سناتا ہے آسماں
پیدا ہوا شاہِ دو جہاں نغمہ سرا آج ہر زباں
۱
ابنِ خدا کے آ جانے سے آئی نجات ہے
مظلوم لاچار انساں نے پائی حیات ہے
یزداں و انساں کے درمیاں دُوریاں اب رہیں کہاں
۲
عرشِ بریں سے فرشتوں کی اک صدا سنی
تمجید ہو آسماں پہ زمیں پہ سلامتی
پیام امن کا رازداں پیار محبت کی داستاں
۳
گھبراؤ نہ اب گنہگارو مسیحا ساتھ ہے
رنج و الم بھول جاؤ یہ خوشیوں کی رات ہے
نور سے روشن ہے یہ جہاں ہم پہ ہوا ہے وہ مہرباں