جے تُو پانی اے شفا یسوع ناصری کول آ

جے تو پانی اے شفا، یسوع ناصری کول آ
تیری سنے گا دعا، نالے دیوے گا شفا
(۱)
اوہدے خون دیاں دھماں سارے جگ پیاں نیں
سارے دکھ تے بلاواں ساتھوں دور ہوئیاں نیں
(۲)
اوہنے جنتاں دا بوہا اج کھول دتا اے
تیرے میرے لئے خون سارا ڈول دتا اے
(۳)
ساڈے پاپاں دا کفارہ اوہنے آپ دتا اے
ڈگے لوکاں نوں سہارا اوہنے آپ دتا اے
(۴)
جے تو رکھیں گا ایمان اوہدی سولی تے سدا
بچ جاوے جند جان مک جاوے گی سزا