جہاں ہو محبت وہیں پر خدا ہے

جہاں ہو محبت
وہیں پر خدا ہے
۱
یسوع کی محبت میں ہم سب ہیں بھائی
خوشی ہے اسی میں اسی میں بھلائی
محبت میں ڈالیں نہ ہرگز جدائی
جدائی کا ہوتا نتیجہ بُرا ہے
جہاں ہو محبت وہیں پر خدا ہے
۲
اکٹھے ہوں ہم جب کہ یکجا پہ سارے
علیحدہ نہ دل ہوں ہمارے تمہارے
مسیح آئے گا درمیاں تب ہمارے
لڑائیوں اور جھگڑوں میں رکھا ہی کیا ہے
جہاں ہو محبت وہیں پر خدا ہے
۳
ملیں گے مقدسین میں جونہی جا کر
تو پائیں گے یسوع کا دیدار آخر
بے حد تا ابد ہوں گے خوش دید پا کر
محبت کے پردے میں یسوع چھپا ہے
جہاں ہو محبت وہیں پر خدا ہے