جب روح کی جنبش ہوتی ہے

جب روح کی جنبش ہوتی ہے
اور پریم کی بارش ہوتی ہے
تب یسوع برکت دیتا ہے
اور آسمان کھل جاتا ہے
۱
جب تیل اُنڈیلا جاتا ہے
روح کا ریلا آتا ہے
تب میلے من دھل جاتے ہیں
اور بندھن ٹوٹتے جاتے ہیں
۲
یسوع کی سولی چھوتے ہی
روح پاک کی جنبش ہوتے ہی
یہ روگ اور دُکھ مٹ جاتے ہیں
طوفان بھی سب رک جاتے ہیں
۳
یہ بارش روح کے شعلوں کی
یسوع کے ابدی جلوؤں کی
وہی جیون ہے وہی رہبر ہے
وہی پریم بھرا اِک ساگر ہے