الہی محبت نے جوڑا ہے ہم کو

الہی محبت نے جوڑا ہے ہم کو
پاک شراکت کے ساتھ
توڑ کے اپنا آپ دیا ہے
یسوع نے چاہت کے ساتھ
۱
لے کے بدن لہو مسیح کا
چکھنا ہے خدائی کو
لینا اُتار ہے ذات میں اپنی
اُس کی ہر سچائی کو
ہو جائے یسوع سے اپنی
روح کا میل سخاوت کے ساتھ
۲
اُس کے پاک بدن اور خون سے
ملتی ابدی زندگی ہے
روح کی غذا ہے سب کی یہ
اَور سب کی یہی بندگی ہے
ملتی شفا ہے مومنوں کو
پاک شراکت کے ساتھ
۳
بانٹنا سیکھیں اپنے خدا سے
جو جیون کی روٹی ہے
خدمت اور محبت کا جذبہ
ایمان کی کسوٹی ہے
ہو جائیں ہم سب یکجا مسیح میں
ایک رفاقت کے ساتھ